1 сентябрь – ГIелму-лъаялъул къо!

1 сентябрь – ГIелму-лъаялъул къо!

Пачалихъалъул тIолго школазда рохалида кIодо гьабула гIелму-лъаялде нуцIа рагьулеб къо – 1 сентябрь. Лъималазе битIараб тарбия ва лъай кьей букIана ва букIине буго нилъер лъикIаб букIинеселъул аслулъун. ЦIияб цIалул сон байбихьулеб къоялъ школалъул нуцIби рагьула аза-азар лъималазе ва мугIалимзабазе. Хасго тIоцебесеб классалде унел лъималазул букIуна рохалилаб асар, тIоцебесеб цIурмил гьаркьица рачуна гьел гъваридаб лъай кьеялъул нухде. Биччанте гьаб рохалилаб асар цIалул сон лъугIизегIан нужеда цадахъ хутIизе.
Хириял районцоял, баркула щивасда рохалилаб байрам - гIелму-лъаялъул къо. Гьарула киналго мугIалимзабазе, цIалдохъабазе ва эбел-инсуе сабруги, цоцазда ричIчIиги. Лъимал - нилъер букIинесеб! Нужер лъикIаб гьоркьоблъиги, гIаммаб хIалтIиги бугони гьез нилъ церехун рачуна, борхалъуде рахуна. МугIалимзабазе хIалтIулъ чIахIиял бергьенлъаби росулеблъун, цIалдохъабазе лъикIал хIасилал кьолеблъун батайги гьаб 2021-2022 цIалул сон!

Районалъул бетIер МухIамад ХIасанов